2020 جىلدىڭ قاڭتار-قىركٷيەك ايلارى ارالىعىندا قازاقستاندىقتار 23 ترلن تەڭگەگە 2 ميللياردقا جۋىق قولما-قول اقشاسىز وپەراتسييالار جٷرگٸزدٸ. بۇل ٶتكەن جىلدىڭ وسى كەزەڭٸنە قاراعاندا, 2,6 ەسە ارتىق. بۇل تۋرالى قر ۇلتتىق بانكٸنەن حابارلاندى.
بانك تاراتقان مەلٸمەتتەرگە قاراعاندا, سەۋٸر ايىندا تٶتەنشە جاعدايعا بايلانىستى بٸرقاتار بيزنەس سۋبەكتٸسٸ جۇمىسىن ۋاقىتشا توقتاتتى. سول سەبەپتٸ قولما-قول اقشاسىز وپەراتسييالار بٸرشاما ازايدى. بٸراق مامىر ايىنان باستاپ وپەراتسييالاردىڭ كٶلەمٸ ورتاشا ەسەپپەن اي سايىن 12%-عا ٶسٸپ وتىردى. قولما-قول اقشانى شەشۋ وپەراتسييالارى كەرٸسٸنشە ازايىپ, كارتوچكالارمەن جٷرگٸزٸلگەن وپەراتسييالاردىڭ ٷشتەن بٸر بٶلٸگٸنەن اسپادى.
قازٸردٸڭ ٶزٸندە ينتەرنەت-بانكينگ پەن بانكتەردٸڭ موبيلدٸ قوسىمشالارى ارقىلى جٷرگٸزٸلگەن وپەراتسييالاردىڭ, ياعني ونلاين-وپەراتسييالاردىڭ ٷلەسٸ ۇلعايىپ كەلەدٸ. ەگەر 2019 جىلدىڭ 9 ايىندا ونلاين-وپەراتسييالار ٷلەسٸ 67% بولسا, بيىل - 81%. ورتاشا ەسەپپەن العاندا, 9 ايدا ونلاين تٷردە تٶلەم كارتوچكالارىمەن 68 ميلليارد تەڭگەدەن اسا قارجىعا 4 ميلليون ترانزاكتسييا جٷرگٸزٸلگەن.
جىل باسىنان-اق موبيلدٸ بانكينگ اۋديتوريياسى تىم بەلسەندٸ بولدى. قاڭتار ايىندا ينتەرنەت-بانكينگتٸ بەلسەندٸ قولداناتىنداردىڭ سانى 8 ميلليون بولسا, قىركٷيەك ايىندا ول 12 ميلليونعا جەتتٸ.
«جيٸ قولدانىلاتىن تٶلەم كارتوچكالارىنىڭ سانى - 25 ميلليون. بۇل كارتوچكانىڭ بارلىعىن يەلەرٸ قىركٷيەك ايىندا ونلاين-تٶلەم جٷرگٸزٸپ قانا قويماي, قولما-قول اقشانى شەشۋ ٷشٸن دە قولداندى. بيىلعى 9 ايدا قازاقستاندىق بانكتەر 12 ميلليون تٶلەم كارتوچكاسىن شىعاردى», - دەلٸنگەن حابارلامادا.
