Almaty oblysyndaǵy karting ortalyǵynda mert bolǵan balanyń ólimine qatysty kúdikti anyqtaldy, - dep habarlaidy QazAqparat.
Kúdikti retinde osy ortalyqtyń direktory ustaldy.
«Ile aýdany aýmaǵynda ornalasqan karting ortalyǵynda oryn alǵan 10 jastaǵy balanyń ólimine qatysty QK 306-baby 3-bóligi (qaýipsizdik talaptaryna jaýap bermeitin, abaisyzda adam ólimine ákep soqqan qyzmetter kórsetý) boiynsha politsiia basqarmasy sotqa deiingi tergeýdi bastady. Qylmystyq is materialdarynda kúdikti retinde karting ortalyǵynyń 41 jastaǵy direktory tanyldy. Istiń mán-jaiyn anyqtaý úshin birqatar qajetti saraptamalar taǵaiyndaldy jáne baqylaýǵa alyndy», - delingen Almaty oblystyq politsiia departamenti baspasóz qyzmetiniń habarlamasynda.
