Foto: pravda.com.ua
Ýkrainanyń qarsy shabýyly keshige bastady. Áýeli naýryz aiynda, odan keiin sáýirdiń sońynda bolady degen Resei áskerine qarsy shabýyl endi shilde aiyna josparlanyp otyr, dep habarlaidy Halyq Uni saity.
Ýkrainanyń Qorǵanys ministri Aleksei Reznikovtyń aitýynsha, qarsy shabýyl týraly neǵurlym az aitylsa, soǵurlym sátti bolady. Alaida onyń qashan bolatyny jáne qai jerden bastalatyny belgisiz. Bir ǵana anyq nárse, ol eshkim kútpegen jerden jasalady.
"Qarsy shabýyl sizge de, basqaǵa da kútpegen jerden bastalady. Onyń sátti ótkenin qalasaq, dabyra etpeiik", – dedi Reznikov.
Onyń sózinen belgili bolǵandai, qazir Ýkrainanyń áýe qaýipsizdigi óte mańyzdy. Óitkeni Resei armiiasynyń apta saiyn ushyryp jatqan zymyrandarynan eldiń beibit halqy zardap shegip keledi. Qaza taýyp jatqandar da bar.
"Sondyqtan Ýkrainaǵa dál qazirgi kezde áýe qorǵanys kúshteri óte kerek. Olardyń artyqshylyǵy – eldiń aspanyn qorǵaidy", – dedi Reznikov.
Ministrdiń pikirinshe, Resei kelissózderdi qalap otyr. Biraq abyroisyzdyqtan qalai shyǵatynyn bilmeidi. Óz abyroiyn saqtap qalýdyń joldaryn izdep jatyr.
Qazir qolda bar málimetke qaraǵanda, Ýkrainaǵa qarsy Reseidiń 48 brigadasy men 122 polki soǵysyp jatyr. Basqynshy áskerdiń jalpy sany – 369 myń adam. Al tehnika sany – 5,9 myń.
