Almaty qalasynyń Ál-Farabi kóshesinde jol erejesin óreskel buzǵan 20 jastaǵy jigit óziniń istegen isine ókinetindigin aitty, dep habarlaidy "Ult aqparat".
Dańǵoi júrgizýshi kóligimen joldyń qarsy baǵytyna shyǵyp, kólik aidaǵan. Keiin qalalyq politsiia jol tártibin buzǵan júrgizýshini ustap, oǵan qatysty ákimshilik jaza qoldanylatyndyǵyn habarlady.
Jol erejesin buzǵan jigit osy isine ókinetindigin aitty. Dańǵoi júrgizýshiniń keshirim suraǵan sáti beinelengen videony politsiia qyzmetkerleri túsirip, jelide taratqan.
«20 jastaǵy qatysty 5 hattama toltyryldy. Toltyrylǵan hattamalardyń barlyǵy sotqa jiberildi, ol kýáliginen aiyrylady», - dedi Almaty qalasy IID-niń resmi ókili Saltanat Ázirbek.
Aita keteiik, buǵan deiin qarsy baǵytqa shyǵyp kólik aidaǵan júrgizýshiniń videosy áleýmettik jelilerde kópshiliktiń ashý-yzasyn týdyrǵany belgili.
