Almatyda koronavirýstyń besinshi tolqyny naýryz aiynda sharyqtaý shegine jetedi. Bul týraly onlain brifing barysynda qalanyń bas sanitarlyq dárigeri Qarlyǵash Ábdijabbarova málim etti, dep habarlaidy QazAqparat.
Spikerdiń sózinshe, KVI juqtyrǵandardyń úles salmaǵy 20 jastan 40 jasqa deiingi adamdar arasynda 16,4%-ǵa jáne jasóspirimder arasynda 1,1%-ǵa kúrt ósti, bul «omikron» shtammyna tán.
«Munyń bári «omikron» shtamy halyq arasynda tez taralatynyn jáne kóp uzamai «delta» shtamyn almastyratyndyǵyn kórsetedi. Biz kelesi koronavirýs tolqynynyń shyńyn osy jyldyń naýryz aiyna boljap otyrmyz», - dedi Qarlyǵash Ábdijabbarova.
