Qarqaralydaǵy Qunanbai qajy meshitine aǵymdaǵy jóndeý jumystary júrgizildi. Jóndeý jumystary Qaraǵandy oblysynyń mádeniet, muraǵattar jáne qujattama basqarmasynyń tarihi-mádeni murany saqtaý ortalyǵynyń tapsyrysy boiynsha júrgizildi, dep habarlaidy "Ult aqparat".
Qunanbai qajy meshiti 1849 jyldan 1853 jylǵa deiin qazaqtyń uly aqyny Abaidyń ákesi Qunanbaidyń qarajatyna salynǵan. Bul eni 15 m, uzyndyǵy 11 m jáne biiktigi 6 m eki qabatty aǵash ǵimarat, meshitte medrese jumys istedi, shákirtterge arnalǵan jataqhana jáne moldalar úii boldy.
Keńes zamanynda munara joiyldy. Ǵimarattyń qalǵan bóligi mektepke, keiinirek qoimaǵa ainaldyryldy. Keiin tolyǵymen qańyrap, qaraýsyz qaldy.
1980 jyldary meshit qalpyna keltirilip, dindarlarǵa qaitaryldy. 1991 jyly Qazaqstannyń tarih jáne mádeniet eskertkishterin qorǵaý jáne qalpyna keltirý óndiristik birlestiginiń mamandary ǵimaratty qaita jóndeýden ótkizdi.
Qarqaralydaǵy Qunanbai qajy meshiti Qazaqstannyń kieli jerleriniń tizimine engizilgen.
