foto: novyefoto.ru
Qaraǵandy oblysy Qarqaraly qalasynda shekteý sharalary jariialandy, - dep habarlaidy "Ult aqparat" aýdan ákimdiginiń baspasóz qyzmetine silteme jasap.
"27 jeltoqsannan bastap profilaktikalyq maqsatta Qarqaraly qalasy boiynsha shekteý sharalary jariialandy. Bul shara qalada kózi joiylǵan qasqyrdyń saraptamasynan qutyrý aýrýynyń rastalýynan týyndap otyr.
Osyǵan bailanysty kelesidei sharalarǵa tyiym salynady:
• itter men mysyqtardyń kórmesin ótkizýge, qutyrýǵa kúdikti bolǵan maldyń ónimin (sút, et, teri) shyǵaryp, tasymaldaýǵa;
• aýyl sharýashylyq janýarlaryn, itter men mysyqtardy shyǵarýǵa jáne tasymaldaýǵa;
Profilaktikalyq sharalar barysynda itter men mysyqtardy jáne basqa da janýarlardy ustaý jaǵdaiyn tekserý boiynsha aýlalardy aralaý júrgiziledi. Aýrýǵa kúdikti bolǵan jaǵdaida, dezinfektsiia jasalady. Sondai-aq, barlyq janýarǵa (aýyl sharýashylyq janýarlary, it, mysyq) qutyrý aýrýyna qarsy ekpe jasalady", - delingen habarlamada.
Jobamen bul shekteý sharalary bir aiǵa engiziledi.
Ákimdik málimetinshe, ázirge Qarqaraly qalasy boiynsha aýyl sharýashylyq janýarlary, sondai-aq itter men mysyqtarda qutyrý aýrýy anyqtalmaǵan.
"Úidegi maldaryńyz ben itterińizde qutyrý belgileri baiqalsa, dereý aýdandyq veterinariialyq inspektsiiaǵa - 31939, veterinariialyq stantsiiaǵa 32304 nomeri boiynsha mindetti túrde habarlasý suralady" - delingen habarlamada.
