فوتو: novyefoto.ru
قاراعاندى وبلىسى قارقارالى قالاسىندا شەكتەۋ شارالارى جارييالاندى, - دەپ حابارلايدى "ۇلت اقپارات" اۋدان ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
"27 جەلتوقساننان باستاپ پروفيلاكتيكالىق ماقساتتا قارقارالى قالاسى بويىنشا شەكتەۋ شارالارى جارييالاندى. بۇل شارا قالادا كٶزٸ جويىلعان قاسقىردىڭ ساراپتاماسىنان قۇتىرۋ اۋرۋىنىڭ راستالۋىنان تۋىنداپ وتىر.
وسىعان بايلانىستى كەلەسٸدەي شارالارعا تىيىم سالىنادى:
• يتتەر مەن مىسىقتاردىڭ كٶرمەسٸن ٶتكٸزۋگە, قۇتىرۋعا كٷدٸكتٸ بولعان مالدىڭ ٶنٸمٸن (سٷت, ەت, تەرٸ) شىعارىپ, تاسىمالداۋعا;
• اۋىل شارۋاشىلىق جانۋارلارىن, يتتەر مەن مىسىقتاردى شىعارۋعا جەنە تاسىمالداۋعا;
پروفيلاكتيكالىق شارالار بارىسىندا يتتەر مەن مىسىقتاردى جەنە باسقا دا جانۋارلاردى ۇستاۋ جاعدايىن تەكسەرۋ بويىنشا اۋلالاردى ارالاۋ جٷرگٸزٸلەدٸ. اۋرۋعا كٷدٸكتٸ بولعان جاعدايدا, دەزينفەكتسييا جاسالادى. سونداي-اق, بارلىق جانۋارعا (اۋىل شارۋاشىلىق جانۋارلارى, يت, مىسىق) قۇتىرۋ اۋرۋىنا قارسى ەكپە جاسالادى", - دەلٸنگەن حابارلامادا.
جوبامەن بۇل شەكتەۋ شارالارى بٸر ايعا ەنگٸزٸلەدٸ.
ەكٸمدٸك مەلٸمەتٸنشە, ەزٸرگە قارقارالى قالاسى بويىنشا اۋىل شارۋاشىلىق جانۋارلارى, سونداي-اق يتتەر مەن مىسىقتاردا قۇتىرۋ اۋرۋى انىقتالماعان.
"ٷيدەگٸ مالدارىڭىز بەن يتتەرٸڭٸزدە قۇتىرۋ بەلگٸلەرٸ بايقالسا, دەرەۋ اۋداندىق ۆەتەرينارييالىق ينسپەكتسيياعا - 31939, ۆەتەرينارييالىق ستانتسيياعا 32304 نومەرٸ بويىنشا مٸندەتتٸ تٷردە حابارلاسۋ سۇرالادى" - دەلٸنگەن حابارلامادا.
