Almatyda káriz qudyǵyna nájis tókken assenizator júrgizýshisi anyqtaldy, dep habarlaidy QazAqparat.
Quqyq buzýshylyq týraly aqparat qalanyń Alataý aýdanynyń turǵynynan «Almaty» telearnasyndaǵy Akimat Live baǵdarlamasynyń stýdiiasyna kelip tústi.
«Aryzdanýshynyń málimetinshe, «Aqbulaq» yqshamaýdanynda assenizator kóliginiń júrgizýshileri nájisti káriz júiesine tókken. Bizdiń bólimsheniń tabiǵatty qorǵaý politsiia bóliminiń inspektorlarymen qoldanystaǵy zańnamany buzǵany úshin QR ÁQbK-niń 505-baby (qalany abattandyrý erejelerin buzý) boiynsha 33 jastaǵy I.esimdi azamat anyqtaldy», – deidi Alataý aýdandyq politsiia basqarmasynyń bastyǵy Iliias Ómirserikov.
Júrgizýshige qatysty ákimshilik is qozǵaldy. Oǵan 20 AEK aiyppul túrindegi jaýapqa tartyldy.
«Esterińizge sala keteiik, assenizatorlyq kólikter jýyndy-shaiyndy sýdy arnaiy ruqsat etilgen aǵyn pýnktterine jiberýi kerek, onda jeliler shaiylyp, kólik dezinfektsiialanady. Biraq tájiribe kórsetkendei, qalalyq káriz júiesi men sý aidyndaryna jýyndy-shaiyndy sýdy nemquraily quiyp jatqan azamattar bar. Mundai zań buzýshylyqtar ákimshilik jaýapkershilikke ákep soǵady», – dep túiindedi Alataý aýdandyq politsiia basqarmasynyń bastyǵy Iliias Ómirserikov.
