Qazaqstannyń Memlekettik hatshysy Erlan Qarin Prezident Qasym-Jomart Toqaevtyń aralas sailaý júiesine kóshý týraly usynysyn túsindirdi, - dep habarlaidy Tengrinews.kz.
"Aralas sailaý júiesine kóshý - aitarlyqtai salmaqty qadam. Parlamentte 70 te 30 paiyz bolady, aralas sailaý júiesine kóshemiz. Óńirlerde oblys deńgeiinde 50 de 50 paiyz aralas júie engiziledi, al aýdandar men qalalarda tolyǵymen majoritar júie bolady. Bul partiiasyz kandidattardyń saiasi ómirge belsene aralasýyna múmkindik beredi", - dedi Erlan Qarin Májilis alańynda.
Eske salaiyq, Toqaev "barlyq azamattar quqyǵyn tolyǵymen eskeretin neǵurlym úilesimdi, aralas sailaý júiesine" kóshýdi usynǵan bolatyn.
