Memlekettik hatshy Sýrdlimpiada oiyndaryna qatysqan Ulttyq qurama múshelerine quttyqtaý jedelhatyn joldady, dep habarlaidy Aqorda.
Erlan Qarin sportshylardy XXIV jazǵy Sýrdlimpiada oiyndaryndaǵy jarqyn jetistigimen quttyqtady.
– Elimizdiń ulttyq qurama komandasy 3 altyn, 7 kúmis, 18 qola medalǵa ie boldy. Bul – sportshylardyń jáne jattyqtyrýshylardyń tabandylyǵy men qajyrly eńbeginiń jemisi. Sizder Qazaqstannyń sport salasyndaǵy áleýeti zor ekenin taǵy bir márte dáleldedińizder. Dúbirli dodada kók týymyzdy biikte jelbiretken jeńimpazdarǵa shynaiy rizashylyǵymdy bildiremin. Bolashaqtaǵy bairaqty básekelerde de halqymyzdyń abyroiyn asqaqtata beresizder dep senemin, – delingen jedelhatta.
Sonymen qatar Memlekettik hatshy barsha sportshyǵa baq-bereke, tolaǵai tabys tiledi.
