Memleket basshysynyń áielder men jastar úshin partiialyq sailaý tizimine 30 paiyzdyq kvota engizý týraly bastamasy júzege asyryla bastady. Mundai pikirdi QR Prezidentiniń kómekshisi Erlan Qarin bildirdi, dep habarlaidy "Ult aqparat".
«Ótken jyly, 2019 jyldyń 20 jeltoqsanynda Ulttyq qoǵamdyq senim keńesiniń ekinshi otyrysynda Memleket basshysy áielder men jastar úshin partiialyq sailaý tizimine 30 paiyzdyq kvota engizý týraly bastamasyn jariia etken bolatyn. 2020 jyldyń aqpanynda tiisti zań jobasy ázirlenip, mamyrda atalǵan qujatqa Memleket basshysy qol qoidy. Endi mine, bir jyl ótkennen keiin atalǵan normanyń qalai jumys istei bastaǵanyn kórip otyrmyz», - dep jazdy Erlan Qarin Telegram paraqshasynda.
Máselen, QR Prezidenti kómekshisiniń dereginshe, Májiliske partiialyq tizim arqyly usynylǵan «Nur Otan» kandidattarynyń - 31,7, «Aq jol» partiiasynyń - 36,8, Qazaqstan halyq partiiasynyń - 36,2, «Aýyl» partiiasynyń - 31,5 jáne «Adal» partiiasynyń - 31,1 paiyzyn áielder men jastar qurap otyr.
Bul norma máslihat sailaýynda da qoldanylady.
«Aitalyq, qazirgi ýaqytta búkil respýblikadaǵy máslihat depýtattary korpýsynyń nebári 2 paiyzy ǵana - jastar. Sondyqtan da osy sailaýda biz jastar men áielderdiń sailaý jáne saiasi protsesterge keńinen qatysýyn baiqaityn bolamyz», - dedi ol.
