Memlekettik hatshy Erlan Qarin sarapshylarmen konstitýtsiialyq reformany talqylady, dep habarlaidy Aqorda.
Búgin Memlekettik hatshy Erlan Qarinniń qatysýymen «Konstitýtsiia 2022: Ekinshi respýblikanyń negizi» atty sarapshylar talqylaýy ótti. Jiynǵa Ulttyq qoǵamdyq senim keńesiniń músheleri, belgili saiasattanýshylar men zańgerler qatysty.
Kezdesýde Erlan Qarin Konstitýtsiialyq keńes oń qorytyndysyn bergen Ata Zańǵa engiziletin túzetýler men tolyqtyrýlar jaiynda sóz qozǵady. Memlekettik hatshy konstitýtsiialyq reforma bilik tarmaqtary arasyndaǵy qarym-qatynas balanysyn ońtailandyrýǵa, halyqtyń memleketti basqarý isine aralasýyn keńeitýge jáne qazaqstandyqtardyń konstitýtsiialyq quqyǵynyń qorǵalýyn kúsheitýge múmkindik beretinin atap ótti.
Óz kezeginde Ulttyq keńes músheleri men saiasattanýshylar el Konstitýtsiiasyna engiziletin ózgeristerdi qoldady. Jiynda atalǵan ózgeristerdi ázirleý barysynda Ulttyq keńes músheleriniń usynystary men usynymdary eskerilgenine nazar aýdaryldy.
Kezdesý sońynda sarapshylar konstitýtsiialyq reforma qazirgi saiasi modeldi júieli túrde transformatsiialaýǵa negiz bolady dep qorytyndy jasady.
