Qazaqstan Respýblikasy prezidentiniń keńesshisi Erlan Qarin tótenshe jaǵdaidyń engizilýine bailanysty alańdaýdyń qajeti joq ekenin aitty.
"Bul negizinen virýstyń keń kólemde taralmaýyna jol bermeý maqsatynda barlyq qajetti resýrstardy jumyldyryp, memlekettik organdardyń jedel sheshimderdi qabyldaýy úshin kerek", - deidi Erlan Qarin.
Onyń aitýyna qaraǵanda, tótenshe jaǵdaidyń engizilýi qajetti sheshimderdiń tiisti quqyqtyq rejimde rásimdeýge múmkindik beredi.
"Memleket qaýipti aldyn alýda. Negizgi sharalar budan buryn qabyldanǵan, keiin kezeń-kezeńmen, jaǵdaidyń ózgerýine sáikes qosymsha aldyn alý is-sharalary qabyldanyp jatty. Árine, Tótenshe jaǵdaidyń engizilýine bailanysty, jańa shekteý sharalary bolar, biraq, jalpy halyqtyń tirshiligin qamtamasyz etetin negizgi obektilerdiń jumysy saqtalady. Mysaly, oiyn-saýyq ortalyqtaryndaǵy dúkender men dárihanalar jumystaryn toqtatpaidy. Bul sheshimderdiń barlyǵy da birinshi kezekte xalyqtyń qaýipsizdigi men densaýlyǵyn qamtamasyz etý múddesi turǵysynan qabyldanýda", - dedi ol.
