QR Prezidentiniń keńesshisi Erlan Qarin Májilis qabyldaǵan «Qazaqstan Respýblikasynda beibit jinalystar uiymdastyrý men ótkizý tártibi týraly» jańa zańǵa qatysty pikir bildirdi, dep habarlaidy "Ult aqparat".
«Búgin Parlament «Qazaqstan Respýblikasynda beibit jinalystar uiymdastyrý men ótkizý tártibi týraly» jańa zańdy qabyldady. Bul - ótken jyldyń jeltoqsanynda ótken Ulttyq qoǵamdyq senim keńesiniń 2-otyrysynda Prezident Qasym-Jomart Toqaev bastamashylyq jasalyq saiasi reformalar toptamasyndaǵy birinshi zań. Alaida, Ulttyq keńestiń qurylatyndyǵy jariia etilgen kezde keibir sarapshylar men qoǵam qairatkerleri «bilik talqylaýlarǵa, oǵan qosa saiasi reformalardy júzege asyrýǵa bara qoimas» dep kúdikterin bildirgen edi. Degenmen, Qasym-Jomart Toqaev óziniń birinshi prezidenttik birinshi joldaýynda saiasi jańǵyrýsyz ekonomikalyq reformalardy júzege asyrý múmkin emestigin naqty málimdep, miting týraly zańnamaly jetildirý qajettigin atap ótken bolatyn. Al Ulttyq keńestiń 2-otyrysynda sonaý 1995 jyly qabyldanǵan qoldanystaǵy zańnyń ornyna jańasyn qabyldaý jáne onyń aiasynda mitingterdi uiymdastyrý men ótkizýde habarlandyrý printsipin engizý qajettigin málimdedi», - dep jazdy Erlan Qarin Telegram paraqshasynda.
Onyń atap ótýinshe, qańtar aiynyń sońynda zań jobasy qoǵamnyń keńinen talqylaýyna shyǵaryldy. Dál osy zań jobasyndai buǵan deiin birde-bir qujat keńinen ári belsendi talqyǵa túsken emes. Tek aqpan aiynyń ózinde túrli alańdarda 20-dan astam túrli pikirtalas boldy. 10 naýryzda zań jobasy Parlament Májilisiniń qaraýyna engizildi. QR Parlamenti Májilisi Zańnama jáne sot-quqyqtyq reforma komitetinde qujatty qaraý barysynda quqyq qorǵaýshylardyń, sarapshylar men qoǵam qairatkerleriniń, onyń ishinde Ulttyq keńes músheleriniń qatysýymen jumys tobynyń 14 otyrysy ótti.
«Buǵan qosa, talqylaý óte qarqyndy, kúnine birneshe saǵat júrdi. Tek túski asqa toqtatylyp, odan keiin pikirtalas qaita jalǵasty. Májilistegi, odan keiin Senattaǵy qyzý pikirtalastardyń qorytyndysynda qujat usynymdardy eskere otyryp daiyndaldy jáne qabyldandy», - dedi ol.
Prezident keńesshisiniń aitýynsha, jańa zań beibit jinalystardy ótkizýmen uiymdastyrýdyń habarlandyrý printsipin, mitingterdi ótkizý úshin qalanyń ortalyq bóliginde aýdandar bekitýdiń mindetti normasyn jáne ózge de jańashyldyqtary qamtidy.
«Biraq, jańa zań - tek qana normalar men erejelerdiń jańa jiyntyǵy emes, bul - qoǵamdyq saiasattaǵy paradigmanyń túbegeili aýysýy. Prezident Toqaevtyń saiasi reformalar toptamasyndaǵy ózge de bastamalary siiaqty ol saiasi tájiribege jańa printsipter men ádister engizedi. Munyń barlyǵy jinalyp kelgende saiasi mádeniettegi pozitivti qundylyqtar ózgerisine alyp keledi», - dedi Erlan Karin.
