Foto: Tengrinews.kz
Memlekettik hatshy Erlan Qarin aldaǵy konstitýtsiialyq reforma ne beretinin aitty, - dep habarlaidy Tengrinews.kz.
Qarin Memleket basshysy Qazaqstan halqy Assambleiasynyń sessiiasynda sóilegen sózinde Konstitýtsiiaǵa ózgerister men tolyqtyrýlar jobasyn respýblikalyq referendýmǵa shyǵarýdy usynǵanyn aitty.
"Sońǵy ret referendým tetigi 1995 jyly qazirgi Konstitýtsiiany qabyldaý kezinde qoldanyldy. Aita ketý kerek, el Konstitýtsiiasyna engizilgen barlyq tórt túzetý árqashan Parlamentte daýys berý arqyly ótti.
Alǵash ret konstitýtsiialyq reforma tikelei búkilhalyqtyq daýys berý arqyly júzege asyrylatyn bolady, bul onyń jalpyulttyq sipatyn aiqyndaidy. Aldaǵy konstitýtsiialyq reforma bilik tarmaqtary arasyndaǵy qarym-qatynas teńgerimin ońtailandyrady, halyqtyń eldi basqarýǵa qatysýyn keńeitedi, azamattardyń konstitýtsiialyq quqyqtaryn qorǵaýdy kúsheitedi. Bul memlekettik modeldiń júielik transformatsiiasy. Sondyqtan referendým eski modelden túpkilikti ketý jáne saiasi júieni qaita bastaý úshin qajet", - dedi ol.
