Nurlan Másimov shekaradan ótpek bolǵan jerinen ustaldy, - dep habarlaidy "Ult aqparat" Antikor baspasóz qyzmetine silteme jasap.
"13 shildede antikorrýpiialyq qyzmet shekara qyzmetimen birlesip jedel-izdestirý sharalarynyń nátijesinde Shyǵys Qazaqstan oblysynyń aýmaǵynda Resei Federatsiiasymen memlekettik shekarany jalǵan qujattar boiynsha ótý áreketi kezinde Nurlan Myrzahanuly Másimovti ustady", - delingen habarlamada.
Nurlan Másimov - Ulttyq qaýipsizdik komitetiniń burynǵy tóraǵasy Kárim Másimovtiń nemere inisi.
Kárim Másimov qazirgi ýaqytta memleketke opasyzdyq jasaý jáne bilikti basyp alýǵa áreket jasady degen aiyppen qamaýda otyr.
Antikor Pavlodar oblysynyń burynǵy politsiia basshysy Nurlan Másimovke asa aýyr korrýptsiialyq qylmys jasaǵany úshin biyl sáýir aiynda izdeý jariialaǵan bolatyn. Ol týraly aqparatqa 12 million teńge (25,7 myń dollar) syiaqy da usynǵan edi.
Aita keteiik, 2022 jyldyń qańtarynda Másimov Pavlodar oblysy Politsiia departamentiniń bastyǵy qyzmetinen bosatylǵan. 48 jastaǵy Nurlan Másimov departamentti 2019 jyldyń qarashasynan beri basqarǵan.
