نۇرلان مەسٸموۆ شەكارادان ٶتپەك بولعان جەرٸنەن ۇستالدى, - دەپ حابارلايدى "ۇلت اقپارات" انتيكور باسپاسٶز قىزمەتٸنە سٸلتەمە جاساپ.
"13 شٸلدەدە انتيكوررۋپييالىق قىزمەت شەكارا قىزمەتٸمەن بٸرلەسٸپ جەدەل-ٸزدەستٸرۋ شارالارىنىڭ نەتيجەسٸندە شىعىس قازاقستان وبلىسىنىڭ اۋماعىندا رەسەي فەدەراتسيياسىمەن مەملەكەتتٸك شەكارانى جالعان قۇجاتتار بويىنشا ٶتۋ ەرەكەتٸ كەزٸندە نۇرلان مىرزاحانۇلى مەسٸموۆتٸ ۇستادى", - دەلٸنگەن حابارلامادا.
نۇرلان مەسٸموۆ - ۇلتتىق قاۋٸپسٸزدٸك كوميتەتٸنٸڭ بۇرىنعى تٶراعاسى كەرٸم مەسٸموۆتٸڭ نەمەرە ٸنٸسٸ.
كەرٸم مەسٸموۆ قازٸرگٸ ۋاقىتتا مەملەكەتكە وپاسىزدىق جاساۋ جەنە بيلٸكتٸ باسىپ الۋعا ەرەكەت جاسادى دەگەن ايىپپەن قاماۋدا وتىر.
انتيكور پاۆلودار وبلىسىنىڭ بۇرىنعى پوليتسييا باسشىسى نۇرلان مەسٸموۆكە اسا اۋىر كوررۋپتسييالىق قىلمىس جاساعانى ٷشٸن بيىل سەۋٸر ايىندا ٸزدەۋ جارييالاعان بولاتىن. ول تۋرالى اقپاراتقا 12 ميلليون تەڭگە (25,7 مىڭ دوللار) سىياقى دا ۇسىنعان ەدٸ.
ايتا كەتەيٸك, 2022 جىلدىڭ قاڭتارىندا مەسٸموۆ پاۆلودار وبلىسى پوليتسييا دەپارتامەنتٸنٸڭ باستىعى قىزمەتٸنەن بوساتىلعان. 48 جاستاعى نۇرلان مەسٸموۆ دەپارتامەنتتٸ 2019 جىلدىڭ قاراشاسىنان بەرٸ باسقارعان.
