80 jasqa qaraǵan shaǵynda belgili qoǵam qairatkeri, «Qazaqstan ulttyq agroónerkásiptik palatasynyń» prezidenti Qajymqan Qasymuly Másimov dúnieden ótti. Bul týraly «Almaty» arnasy habarlady.
Qajymqan Qasymuly 1939 jyly 18 sáýirde dúniege kelgen. Ol Ombydaǵy Temirjol institýtyn, Pavlodardaǵy indýstrialdy institýtty oqyp bitirgen. Sondai-aq, 1989 jyly Almaty dene shynyqtyrý institýtynyń túlegi atandy. Qazaq Týrizm jáne sport akademiiasy sporttyq meditsina kafedrasynyń qurmetti professory.
2016 jyldyń qarasha aiynda «Qazaqstannyń ulttyq agroónerkásiptik palatasynyń» prezidenti bop sailanyp, atalǵan uiymdy kúni búginge deiin basqaryp keldi.
Sonymen qatar, «Másimov saýyqtyrý ortalyǵy» JShS bas direktory, Qazaqstan ioga qaýymdastyǵynyń prezidenti bolǵan.
Marqumnyń qonaqasy 8 sáýir kúni keshki saǵat 20:00-de Almatydaǵy Qabyldaý úiinde ótedi. Qajymqan Qasymulymen qoshtasý 9 sáýir kúni 10:00-den 11:00-de deiingi aralyqta Almatydaǵy Ǵalymdar úiinde (Ǵylym akademiiasy), asy 13:00-de Qabyldaý úiinde ótedi.
