Ulttyq qaýipsizdik komitetiniń eks-tóraǵasy Kárim Másimovti qamaýda ustaý merzimi taǵy uzartyldy, dep habarlaidy QazAqparat.
«Ulttyq qaýipsizdik komitetiniń Shuǵyl-tergeý toby K.K.Másimov, A.T.Sadyqulov, D.E.Erǵojin jáne ózge de tulǵalarǵa qatysty QR Qylmystyq kodeksiniń 175-baby 1-bóligi, 179-baby 3-bóligi, 218-baby 3-bóliginiń 3-tarmaǵy, 362-baby 4-bóliginiń 3-tarmaǵy, 366-baby 4-bóligi boiynsha qylmystyq isti tergeýdi jalǵastyryp jatyr.
2022 jyldyń 31 mamyrynda Másimov pen Sadyqulovty qamaýda ustaý merzimi 2022 jyldyń 6 shildesine deiin, Erǵojindi 2022 jyldyń 13 shildesine deiin uzartyldy», - dedi QR UQK baspasóz qyzmetinen.
Kárim Másimovti qamaýda ustaý merzimi osyǵan deiin birneshe ret uzartylǵan bolatyn. Buǵan deiin sot sanktsiiany 2022 jyldyń 6 maýsymyna deiin bergen edi.
Eske salaiyq, biylǵy 6 qańtarda Memleket basshysynyń Jarlyǵymen Kárim Másimov Ulttyq qaýipsizdik komitetiniń tóraǵasy laýazymynan bosatylyp, 8 qańtarda ózge tulǵalarmen birgen ýaqytsha oqshaýlaǵyshqa qamaldy. Olardyń ústinen memleketke satqyndyq faktisi boiynsha sotqa deiingi tergeý bastaldy.
Kárim Másimovke qatysty qylmystyq isi «óte qupiia» belgisimen tergelip jatyr.
22 aqpanda UQK tóraǵasynyń burynǵy orynbasary Ósipov M.S. ustaldy. Oǵan qatysty qamaýda ustaý sharasy qoldanyldy.
UKK-nyń eks-tóraǵasy qazaqstandyq biznes qaýymdastyqtarynan jáne sheteldik sýbekt ókilderinen jyljymaityn múlik, qymbat syilyqtar, qomaqty aqshalai qarajat aldy dep aiyptalyp otyr.
Sondai-aq Másimov pen onyń ainalasyndaǵylar shetel bankterine zańsyz shyǵarǵan asa iri mólsherdegi aqshalai qarajatty izdestirý, buǵattaý jáne Qazaqstanǵa qaitarý boiynsha jumys uiymdastyryldy. Nátijesinde 5,1 mln AQSh dollary alyndy.
QR Bas prokýrory Berik Asylov Ulttyq qaýipsizdik komitetiniń burynǵy tóraǵasy 17 jylǵa deiin bas bostandyǵynan aiyrylýy múmkin ekenin aitqan bolatyn.
