"QR Prezidenti Nursultan Nazarbaevtyń tapsyrmasy boiynsha QR Premer-Ministri Kárim Másimov elimizdiń iri indýstrialdyq aimaǵynyń áleýmettik-ekonomikalyq damý barysymen tanysý úshin Pavlodar oblysyna jumys saparymen bardy", - dep habarlaidy Pm.kz.
«Premer-Ministr Pavlodar munai-himiia zaýytyna barady, aimaqtaǵy jastarmen, qoǵam ókilderimen kezdesedi, sondai-aq «Nurly Jol» baǵdarlamasy aiasynda Ertis ózeni arqyly ótetin kópir qurylysymen tanysady», - delingen habarlamada.
Kárim Másimov oblys jáne sharýa qojalyqtarynyń basshylarymen kezdesýinde eldi mekenderdi sýmen jabdyqtaý jónindegi máselelerdi talqylamaq.
Jumys saparynyń kestesinde kómir ónerkásibi salasyn damytý boiynsha ótkiziletin respýblikalyq keńeske erekshe mán beriledi.
Aita keterligi, Qazaqstanda óndiriletin kómirdiń 60%-y Pavlodar oblysynda óndiriledi.
Sonymen qatar, oblys kásiporyndary respýblikalyq kólemde 100% glinozem jáne aliýminii, 77% ferroqorytpa, 40%-dan astam janarmai jáne 43% elektr energiiasyn óndiredi. Pavlodar oblysynda indýstriialyq-innovatsiialyq damý memlekettik baǵdarlamasyn júzege asyrý jyldary óńdelmegen aliýminii, jiksiz qubyrlar, bolattyń birneshe markasy, júk vagondary, himiialyq ónimder tárizdi jańa ónimder óndirisi iske qosyldy.
Oblysta 1000-ǵa jýyq ónerkásip kásiporyndary bar, onyń ishinde júie qurýshy 15-i ónerkásip óndirisiniń 70%-dan astamyn qamtamasyz etip otyr.
Pavlodar oblysynyń halqy 758 myńnan astam, onyń shamamen 70% - qala turǵyndary. Jumyspen qamtylǵan halyqtyń tórtten bir bóliginen astamy ónerkásip salasynda jumys isteidi, olar IJÓ-niń 43% óndiredi.
.jpeg)