QR Prezidenti Qasym-Jomart Toqaev Kárim Másimovti Qazaqstan Respýblikasy Ulttyq qaýipsizdik komitetiniń Tóraǵasy qyzmetine taǵaiyndaý týraly Jarlyqqa qol qoidy. Bul týraly Aqordanyń baspasóz qyzmeti habarlaidy.
Ol 1965 jyly 15 maýsymda Qazaqstannyń Tselinograd qalasynda (qazirgi Nur-Sultan) dúniege kelgen.
1982 jyly Almaty qalasyndaǵy respýblikalyq fizika-matematika mektebin úzdik bitirgen. 1985 jyly Máskeý qalasyndaǵy Patris Lýmýmba atyndaǵy halyqtar dostyǵy ýniversitetinde arab filologiiasy boiynsha bilim aldy. 1988 jyly Beijińdegi til bilimi institýtynda oqyǵan. 1991 jyly Qytaidaǵy Ýhan zań ýniversitetin, 1995 jyly Qazaq memlekettik basqarý akademiiasyn bitirgen.
Mamandyǵy – qarjyger, zańger, qytaitanýshy, ekonomika ǵylymdarynyń doktory. Orys, qazaq, aǵylshyn, qytai, arab tilderin meńgergen;
Ár jyldary kólik jáne kommýnikatsiia ministri, premer-ministriniń orynbasary, Qazaqstan prezidentiniń kómekshisi, premer-ministr qyzmetterin atqardy.
2012 jyldyń qyrkúieginde Kárim Másimov úkimet basshysy qyzmetinen ketýge aryz berdi. Prezident Nursultan Nazarbaev ótinishti qabyldady. Sol kúni prezident ákimshiliginiń basshysy bolyp taǵaiyndaldy.
2014-2016 jyldary ekinshi ret Qazaqstan premer-ministri qyzmetin atqardy. 2016 jyldyń 8 qyrkúieginen Qazaqstan ulttyq qaýipsizdik komitetiniń basshysy bolyp taǵaiyndaldy.
