Foto: Astana sotynyń baspasóz qyzmeti
Ulttyq qaýipsizdik komitetiniń burynǵy tóraǵasy Kárim Másimov shyǵarylǵan úkimge qatysty apelliatsiialyq shaǵym túsirdi, dep habarlaidy QazAqparat.
«Apelliatsiialyq shaǵym túsirildi, biraq is apelliatsiialyq sotqa áli kelip túsken joq. Atap aitqanda, is «asa qupiia» belgisimen qaralǵandyqtan, basqa málimetter jariia etýge jatpaidy», - delingen qalalyq sot baspasóz qyzmetiniń málimetinde.
Budan buryn habarlanǵandai, biyl 24 sáýirde Astana qalasynyń qylmystyq ister jónindegi mamandandyrylǵan aýdanaralyq soty Ulttyq qaýipsizdik komitetiniń eks-tóraǵasy Kárim Másimovke jáne onyń orynbasarlary A.Sadyqulovqa, D.Erǵojinge, M.Osipovke qatysty qylmystyq is boiynsha úkimin jariia etti.
Másimov 18 jylǵa sottalǵan edi.
Aita keteiik, UQK-niń eks-basshysyna qańtar oqiǵasy boiynsha aiyp taǵylǵan bolatyn. Bas prokýror Berik Asylov atap ótkendei, tártipsizdikter kezinde Másimovtiń tapsyrmasy boiynsha UQK departamentteriniń jeke quramy jumys oryndaryn tastap ketken.
Tergeý «asa qupiia» belgisimen júrgizildi.
