فوتو: استانا سوتىنىڭ باسپاسٶز قىزمەتٸ
ۇلتتىق قاۋٸپسٸزدٸك كوميتەتٸنٸڭ بۇرىنعى تٶراعاسى كەرٸم مەسٸموۆ شىعارىلعان ٷكٸمگە قاتىستى اپەللياتسييالىق شاعىم تٷسٸردٸ, دەپ حابارلايدى قازاقپارات.
«اپەللياتسييالىق شاعىم تٷسٸرٸلدٸ, بٸراق ٸس اپەللياتسييالىق سوتقا ەلٸ كەلٸپ تٷسكەن جوق. اتاپ ايتقاندا, ٸس «اسا قۇپييا» بەلگٸسٸمەن قارالعاندىقتان, باسقا مەلٸمەتتەر جارييا ەتۋگە جاتپايدى», - دەلٸنگەن قالالىق سوت باسپاسٶز قىزمەتٸنٸڭ مەلٸمەتٸندە.
بۇدان بۇرىن حابارلانعانداي, بيىل 24 سەۋٸردە استانا قالاسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتى ۇلتتىق قاۋٸپسٸزدٸك كوميتەتٸنٸڭ ەكس-تٶراعاسى كەرٸم مەسٸموۆكە جەنە ونىڭ ورىنباسارلارى ا.سادىقۇلوۆقا, د.ەرعوجينگە, م.وسيپوۆكە قاتىستى قىلمىستىق ٸس بويىنشا ٷكٸمٸن جارييا ەتتٸ.
مەسٸموۆ 18 جىلعا سوتتالعان ەدٸ.
ايتا كەتەيٸك, ۇقك-نٸڭ ەكس-باسشىسىنا قاڭتار وقيعاسى بويىنشا ايىپ تاعىلعان بولاتىن. باس پروكۋرور بەرٸك اسىلوۆ اتاپ ٶتكەندەي, تەرتٸپسٸزدٸكتەر كەزٸندە مەسٸموۆتٸڭ تاپسىرماسى بويىنشا ۇقك دەپارتامەنتتەرٸنٸڭ جەكە قۇرامى جۇمىس ورىندارىن تاستاپ كەتكەن.
تەرگەۋ «اسا قۇپييا» بەلگٸسٸمەن جٷرگٸزٸلدٸ.
