Kárim Másimov. © Turar Qazanǵapov / tengrinews.kz
UQK-niń burynǵy basshysy biyl naýryz aiynda keshirim jasaý týraly ótinish bildirdi.
Memleketke opasyzdyq jasady jáne bilikti basyp almaq boldy degen aiyppen sottalǵan UQK-niń burynǵy basshysy Kárim Másimov keshirim jasaý týraly ótinish berdi, dep habarlaidy QR UQK Informburo.kz saitynyń saýalyna bergen jaýabynda.
Qazir Kárim Másimov Sybailas jemqorlyqqa qarsy is-qimyl agenttiginiń qaýlysy negizinde Astanadaǵy UQK tergeý izoliatorynda otyr.
"Shynynda da, osy mekemeden ol 2024 jylǵy naýryz aiynda Qazaqstan Respýblikasy prezidentiniń atyna keshirim jasaý týraly ótinish joldady", – delingen habarlamada.
Onda Kárim Másimovke qatysty qylmystyq kodekstiń 218-baby, 3-bóligi, 3-tarmaǵy ("Qylmystyq jolmen alynǵan aqshany jáne ózge de múlikti zańdastyrý (jylystatý)") jáne 366-baby, 4-bóligi ("asa iri mólsherde para alý") boiynsha sotqa deiingi tergep-tekserý jalǵasyp jatyr.
Eske salaiyq, Kárim Másimov 2022 jylǵy qańtardaǵy oqiǵalar kezinde ustaldy.
2023 jylǵy sáýir aiynyń sońynda Astanadaǵy sot Kárim Másimovti memleketke opasyzdyq jasaǵany, bilikti kúshtep basyp alýǵa tyrysqany, bilik pen laýazymdyq ókiletin asyra paidalanǵany úshin 18 jylǵa bas bostandyǵynan aiyrdy.
Másimov úkimge qarsy shyǵýǵa tyrysty, biraq apelliatsiialyq saty jaza merzimin ózgerissiz qaldyrdy.
