Gipertonikterge arnalǵan jeńildikpen beriletin «Karditonýs» preparatynyń kvotasy týraly aqparat jalǵan. QR Densaýlyq saqtaý ministrligi osylai málimdedi, dep habarlaidy "Ult aqparat".
«QR Densaýlyq saqtaý ministrligi keibir veb-saittarda jáne internet-portaldarda taratylatyn QR Densaýlyq saqtaý ministrliginiń gipertoniiany emdeý úshin jeńildikpen beriletin preparatty taratý úshin Qazaqstannyń 30 jastan asqan barlyq azamattaryna kvota bólýge mindetteitin úshinshi oqylymda zańdy qabyldaý týraly aqparat jalǵan bolyp tabylady jáne shyndyqqa janaspaidy dep habarlaidy. Bul aqparat belgisiz derek kózinen taratylǵan ári jalǵan», delingen ministrliktiń baspasóz qyzmeti taratqan habarlamada.
Ministrliktiń málimdeýinshe, jalǵan aqparatta «Karditonýs» preparaty týraly aitylady.
«Osylaisha, material osy preparatty keńinen jarnamalaý oiymen daiyndalǵan dep paiymdaimyz. Bul preparattyń jarnamasyna Densaýlyq saqtaý ministrliginiń de, ministr Eljan Birtanovtyń da eshqandai qatysy joq. Tiisinshe, materialda kórsetilgen barlyq málimetter men ministrdiń dáieksózderi jalǵan bolyp tabylady. Vedomstvo basshysy mundai túsinikteme bergen joq», dep atap ótti ministrlik.
Óz kezeginde, vedomstvo halyqtyń dárilik zattarǵa qoljetimdiligin qamtamasyz etý boiynsha josparly jumys júrgizip jatqanyn eske saldy. Aita keterligi, klinikalyq tiimdiligi dáleldengen barlyq dáriler Qazaqstandyq ulttyq dárilik formýliarǵa engizilgen, ol myna siltemede qoljetimdi. Sondai-aq, QR Densaýlyq saqtaý ministrliginiń qyzmetine qatysty barlyq naqty aqparat, onyń ishinde halyqty dárilik zattarmen qamtamasyz etý jónindegi jumys bóligi boiynsha málimetter resmi saitta ornalastyrylǵan.
