گيپەرتونيكتەرگە ارنالعان جەڭٸلدٸكپەن بەرٸلەتٸن «كارديتونۋس» پرەپاراتىنىڭ كۆوتاسى تۋرالى اقپارات جالعان. قر دەنساۋلىق ساقتاۋ مينيسترلٸگٸ وسىلاي مەلٸمدەدٸ, دەپ حابارلايدى "ۇلت اقپارات".
«قر دەنساۋلىق ساقتاۋ مينيسترلٸگٸ كەيبٸر ۆەب-سايتتاردا جەنە ينتەرنەت-پورتالداردا تاراتىلاتىن قر دەنساۋلىق ساقتاۋ مينيسترلٸگٸنٸڭ گيپەرتونييانى ەمدەۋ ٷشٸن جەڭٸلدٸكپەن بەرٸلەتٸن پرەپاراتتى تاراتۋ ٷشٸن قازاقستاننىڭ 30 جاستان اسقان بارلىق ازاماتتارىنا كۆوتا بٶلۋگە مٸندەتتەيتٸن ٷشٸنشٸ وقىلىمدا زاڭدى قابىلداۋ تۋرالى اقپارات جالعان بولىپ تابىلادى جەنە شىندىققا جاناسپايدى دەپ حابارلايدى. بۇل اقپارات بەلگٸسٸز دەرەك كٶزٸنەن تاراتىلعان ەرٸ جالعان», دەلٸنگەن مينيسترلٸكتٸڭ باسپاسٶز قىزمەتٸ تاراتقان حابارلامادا.
مينيسترلٸكتٸڭ مەلٸمدەۋٸنشە, جالعان اقپاراتتا «كارديتونۋس» پرەپاراتى تۋرالى ايتىلادى.
«وسىلايشا, ماتەريال وسى پرەپاراتتى كەڭٸنەن جارنامالاۋ ويىمەن دايىندالعان دەپ پايىمدايمىز. بۇل پرەپاراتتىڭ جارناماسىنا دەنساۋلىق ساقتاۋ مينيسترلٸگٸنٸڭ دە, مينيستر ەلجان بٸرتانوۆتىڭ دا ەشقانداي قاتىسى جوق. تيٸسٸنشە, ماتەريالدا كٶرسەتٸلگەن بارلىق مەلٸمەتتەر مەن مينيستردٸڭ دەيەكسٶزدەرٸ جالعان بولىپ تابىلادى. ۆەدومستۆو باسشىسى مۇنداي تٷسٸنٸكتەمە بەرگەن جوق», دەپ اتاپ ٶتتٸ مينيسترلٸك.
ٶز كەزەگٸندە, ۆەدومستۆو حالىقتىڭ دەرٸلٸك زاتتارعا قولجەتٸمدٸلٸگٸن قامتاماسىز ەتۋ بويىنشا جوسپارلى جۇمىس جٷرگٸزٸپ جاتقانىن ەسكە سالدى. ايتا كەتەرلٸگٸ, كلينيكالىق تيٸمدٸلٸگٸ دەلەلدەنگەن بارلىق دەرٸلەر قازاقستاندىق ۇلتتىق دەرٸلٸك فورمۋليارعا ەنگٸزٸلگەن, ول مىنا سٸلتەمەدە قولجەتٸمدٸ. سونداي-اق, قر دەنساۋلىق ساقتاۋ مينيسترلٸگٸنٸڭ قىزمەتٸنە قاتىستى بارلىق ناقتى اقپارات, ونىڭ ٸشٸندە حالىقتى دەرٸلٸك زاتتارمەن قامتاماسىز ەتۋ جٶنٸندەگٸ جۇمىس بٶلٸگٸ بويىنشا مەلٸمەتتەر رەسمي سايتتا ورنالاستىرىلعان.
