Shetelge zańsyz shyǵarylǵan aqshany qaitarý ońai jumys emes. Bul týraly Májilistiń jalpy otyrysynan keiin tilshilerge palata tóraǵasy Erlan Qoshanov aitty, dep habarlaidy QazAqparat.
Syrtqa ketken qarajatty qaitarýǵa qatysty tiisti komissiia qurylǵanyna toqtalǵan E.Qoshanov: «Sol komissiia eki aptada bir ret Prezidentke esep berip otyrady. Sondyqtan osy komissiia jumysynyń nátijesin kútý kerek. Shetelge ketken aqshany qaitarý ońai jumys emes. Sebebi onyń zańsyz shyǵarylǵanyn dáleldeý kerek», - dedi.
Osy oraida ol mundai zańsyz áreketteri úshin kez kelgen adam zań aldynda jaýap beretinin aitty.
«Zań aldynda barlyǵy birdei. Eger zańsyz shyǵarylǵan qarjy bolsa, kez kelgen adam zań aldynda jaýap beredi. Osy oraida qarajat elge qaitarylady. Biraq bul is-sharalardyń tiisti joldary bar. Sondyqtan zańsyz shyǵarylǵan qarajatqa qatysty laýazymdy qyzmetkerler jáne basqa da adamdar jaýap beretin bolady», - dedi Májilis tóraǵasy.
