26 sáýirde Qaraǵandy oblysynyń Qarajal qalasynda joǵalǵan kishkentai qyz tabyldy, dep habarlaidy "Ult aqparat".
Keshe túnde Qarajalda jergilikti turǵyn balasynyń joǵalyp ketkeni týraly politsiiaǵa aryz bergen. Ol aýlada oinap júrgen jerinen joǵalyp ketken.
«Aǵymdaǵy jylǵy 26 sáýirde saǵat 22.26-da Qaraǵandy oblysy Qarajal qalalyq politsiia bóliminiń kezekshi bólimine 30 jastaǵy turǵynnan onyń kishkentai qyzy joǵalyp ketkeni týraly aryz kelip tústi. Politsiia qyzmetkerleri, ákimdik, TJB ókilderi jáne eriktiler izdestirý sharalaryn júrgizdi», - dep habarlady Qaraǵandy oblysy Politsiia departamentiniń baspasóz qyzmetinen.
Izdeý barysynda tártip saqshylary qańyrap bos turǵan úilerdiń birinen 55 jastaǵy qala turǵynyn anyqtaǵan. Er adamnyń janynda joǵalǵan kishkentai qyz boldy. Qazirgi ýaqytta politsiia balanyń osy jerge qalai kelgenin anyqtap jatyr.
«Atalǵan fakti boiynsha qylmystyq is qozǵaldy. Jedel-tergeý sharalary júrgizilýde. Tiisti saraptamalar taǵaiyndaldy. Ustalǵan azamat ýaqytsha ustaý abaqtysyna qamaldy», - dep túsindirdi vedomstvoda.
