27 qyrkúiek kúni ótken Senat otyrysynda depýtat Rysqali ÁBDIKEROV Qazaqstan Respýblikasynyń Premer-Ministri B.Á.Saǵyntaevtyń atyna depýtattyq saýal joldady.
Qazaqstan Respýblikasynyń
Premer-Ministri
B.Á. SAǴYNTAEVQA
Qurmetti Baqytjan Ábdiruly!
Qoinaýy kenge toly, ákimshilik-aýmaqtyq ieliginde Jáirem kenti bar, 18 358 adamdy quraityn Qarajal qalasy Qaraǵandy qalasynan ońtústik-batysqa qarai 370 shaqyrym jerde ornalasqan.
Bul óńirdiń ekonomikalyq múmkindikteri jáne bolashaǵy óte zor. Tek sońǵy 2 jylda ǵana qalaǵa 42 mlrd. teńge investitsiia tartylǵan.
Alaida, Qarajal qalasy men Jáirem kentinde 70-shi jyldary shoiynnan jasalǵan káriz jelileri búgingi tańda korroziiaǵa ushyrap, isten shyǵýda. Óz kezeginde, bul jaǵdai sý tartý jelilerinde asa apatty jaǵdailar týdyrýda.
Qazirgi tańda, osy aimaqtarda halyqtyń ortalyqtandyrylǵan káriz sý tartý júiesine qoljetimdilik kórsetkishi 28 protsentti ǵana qurap otyr.
Atalǵan máseleni sheshý maqsatynda 2016 jyly káriz jelilerin rekonstrýktsiialaýdyń 2-kezektegi jobalary ázirlenip, memlekettik saraptamadan ótkizilgen.
Jáirem kentiniń káriz sý júielerin rekonstrýktsiialaý jobasyn iske asyrý úshin qajetti qarjylandyrý 888 mln. teńgeni qurasa, al Qarajal qalasy káriz sý júieleri qurylysynyń smetalyq quny 618 mln. teńgeni quraidy.
Bul jobalardy iske asyrý káriz sý tartý jelilerindegi apattardy tolyq joiýǵa, 80 protsentke deiin ortalyqtandyrylǵan káriz sý tartý jelilerine qol jetkizýge, sondai-aq úzdiksiz ári sapaly káriz sý tartý júiesimen qamtamasyz etýge múmkindik beredi.
Qurmetti Baqytjan Ábdiruly!
Osy aitylǵan máseleniń erekshe mańyzdylyǵyn eskere otyryp, Qarajal qalasy men Jáirem kentiniń káriz jelilerin qaita qurý 2-kezektegi jobalaryn júzege asyrý úshin qajetti qarjy bóldirýge yqpal etýińizdi suraimyz.
Qurmetpen,
R. ÁBDIKEROV
S. ERShOV
