Karateshi Iýldashev pen Berýltseva Olimpiada litsenziiasyna ie boldy, - dep habarlaidy "Ult aqparat" Shymkent qalasy ákimdiginiń baspasóz qyzmetine silteme jasap.
Halyqaralyq karate federatsiiasy (WKF) Olimpiadalyq reiting boiynsha Tokio Olimpiadasyna joldama alǵan sportshylar tizimin jariialady. Oǵan sáikes, Shymkent qalasynyń karateshileri taǵy eki Olimpiada litsenziiasyn ielendi.
"D-3" biliktiligi boiynsha halyqaralyq reitingke sáikes, Daniiar Iýldashev Olimpiada litsenziiasyna ie bolyp, Aziia óńirinde eń joǵary nátije kórsetken úzdik karateshi atandy.
Sondai-aq, taǵy bir jerlesimiz Sofia Berýltseva (+75 keli) da halyqaralyq reitingke sáikes, qurlyqtyq joldamaǵa ie boldy. Aita keterligi, karateden Qazaqstan quramasynan Tokio Olimpiadasyna bes joldama bar. Osyǵan deiin Darhan Asadilov reitingte qarsylasynan 1000 upai alda bolǵandyqtan merziminen buryn Olimpiada litsenziiasyna ielik etti.
Daniiar Iýldashev - karate sport túrinen Qazaqstan Respýblikasynyń halyqaralyq dárejedegi sport sheberi. 2017 jyly Astanada ótken erler men áielder arasynda Aziia chempionatynyń kúmis júldegeri, 2018 jyly Ispaniiada ótken "Premer Liga" Halyqaralyq týrniriniń kúmis júldegeri. Sofia Berýltseva - Halyqaralyq dárejedegi sport sheberi.
Sonymen, Shymkent qalasynyń qorjynyndaǵy Olimpiada joldamalarynyń sany 10-ǵa jetti. Onyń iegerleri:
Stend atý - Sársenkúl Rysbekova, Kravchenko Zoia
Oq atý - Iýrii Iýrkov
Boks - Zakir Safiýllin
Qarate - Darhan Asadilov, Daniiar Iýldashev, Sofia Berýltseva.
Baidarkada esý - Sergei jáne Timofei Emelianovtar
Kórkem gimnastika - Alina Ádilhanova
