Frantsiia astanasy Parijde ótip jatqan karateden litsenziialyq týrnirde qazaqstandyq Nurqanat Ájiqanov chempion atanyp, Tokio Olimpiadasyna joldama jeńip aldy, dep habarlaidy "Ult aqparat".
QR Ulttyq Olimpiada komitetiniń aqparatyna sáikes, 75 kelige deiingi salmaqta synǵa túsken Nurqanat týrnirde barlyq qarsylasynan basym túsip, jeńimpaz atandy.
Jarys erejesi boiynsha týrnirde úzdik úshtikke engen karateshilerge Olimpiada joldamasy beriledi. Ájiqanovtyń salmaǵynda kúmis júldeni Germaniia, qolany Vengriia sportshylary ielendi.
Osylaisha, Nurqanat Ájiqanov karateden úshinshi joldamanyń iegeri atandy. Buǵan deiin Darhan Asadilov pen Móldir Jańbyrbai Tokio oiyndaryna litsenziia alǵan bolatyn.
Sondai-aq Qazaqstan atynan synǵa túsken Sabina Zaharova tórtinshi oryn ielenip, Olimpiadadan syrt qaldy.
Katadan baq synaǵan Mádi Qateshov 1/16 ainalymnan óte alǵan joq.
Aita keteiik, Qazaqstan búginge deiin sporttyń 26 túrinen Olimpiadaǵa 70 joldama jeńip aldy.
