Sinoptikter 31 qazan – 2 qarashaǵa arnalǵan aýa raiy boljamyn jariialady, dep habarlaidy "Ult aqparat".
Qazgidromettiń habarlaýynsha, Reseidiń Eýropalyq bóliginde kezekti tsiklon qalyptasyp, belsendiligi artady. Aldaǵy táýlikte ol Oralǵa qarai jyljidy, onymen bailanysty sýyq aýa aǵyndary Qazaqstannyń batys jáne soltústik-batys aimaqtaryna yǵysady. Tsiklon jáne aýa aǵyndarynyń shyǵysqa qarai jyljýyna bailanysty jańbyr jáne qar aralas jańbyr jaýyp, qatty jel soǵady, kei jerlerde burqasyn bolyp, respýblikanyń qalǵan óńirlerinde de kóktaiǵaq bolady.
«Sońǵy kúnderi aýa temperatýrasy klimattyq normadan 3…6°S, respýblikanyń soltústiginde 8…13°S joǵary boldy. Sinoptikterdiń aitýynsha, endi birtindep kún sýytady. Boljam boiynsha, qarasha aiynyń basynda batys óńirlerde aýa temperatýrasy ortasha kópjyldyq normadan 2…4°S tómen bolady», - delingen habarlamada.
