Osy jyldyń qarashasynda qazanmen salystyrǵanda otandyq ónerkásip ónimderin óndirýshi kásiporyndardyń baǵasy 5,5 paiyzǵa joǵarylady. Bul týraly Ulttyq statistika biýrosy málim etti, dep habarlaidy QazAqparat.
Vedomstvo málimetinshe, taý-ken óndirý salasynda baǵanyń munaiǵa - 8,2, metall kenderine - 8, tabiǵi gazǵa 3 paiyz joǵarylaýy baiqaldy. Óńdeý salasynda baǵa ferroqorytpalarǵa - 6,4, mysqa - 4,8, qorǵasynǵa - 4,4, aliýminiige - 3,3, asyl metaldarǵa 2,6 paiyz joǵarylady, al qara metaldar ilegine 2,6 paiyz tómendedi. Munai ónimderinen mazýtqa - 12, suiytylǵan propan jáne býtanǵa - 6,6, benzinge - 3,6, dizel otynyna 1,1 paiyz qymbattady.
«Azyq-túlik ónimderinen óndirýshilerde baǵa makaron ónimderine - 4,7, nanǵa - 4,4, jarmalarǵa - 2,9, bidai unyna - 2,6, qantqa - 2, ósimdik maiyna - 1, qus etine - 0,8, sút ónimderine 0,7 paiyz joǵarylady, mal etine - 1,3, shaiǵa 0,7 paiyz tómendedi. Baǵa elektr energiiasymen jáne sýmen jabdyqtaýda sýdy bólý boiynsha qyzmetterge - 0,7, elektr energiiasy, ony taratý boiynsha qyzmetterdi qosa alǵanda 0,5 paiyz joǵarylady», - dep atap ótedi biýrodan.
