Sinoptikter 2019 jyldyń qarasha aiyna aýa raiy boljamyn jariia etti, dep habarlaidy "Ult aqparat" Qazgidrometke silteme jasap.
«Qarasha aiynda tsiklondar men antitsiklondardyń jii aýysatyndyqtan aýa temperatýrasy respýblika aýmaǵynyń basym bóliginde klimattyq norma shamasynda bolady dep kútiledi, tek Aziia aimaǵynan keletin ońtústik-batys aǵyndarymen Qazaqstannyń ońtústik-shyǵys bóliginde 1°S-qa jyly bolady dep boljanýda», delingen habarlamada.
Sinoptikterdiń aitýynsha, atmosferalyq aǵyndardyń ótýi qubylmaly aýa raiyn týdyrady, ol jaýyn-shashyn, jeldiń kúsheiýi (soltústikte boran), tuman jáne kóktaiǵaq qubylystarymen qatar júredi.
Qarasha aiynyń ishinde ár onkúndikte 3 ret qatarynan kún sýytady dep boljanyp otyr.
«Birinshi onkúndikte sýyqtyń alǵashqy tolqyny búkil Qazaqstandy qamtidy. Onkúndiktiń basynda batysta, kezeńniń ortasyna qarai soltústik-batysta, soltústikte, ortalyqta jáne shyǵysta túngi ýaqytta temperatýra 5…10, kei jerlerde 13 grdýsqa deiin sýytyp, kúndiz 0…5 aiaz, kei jerlerde 5 jylyǵa deiin, elimizdik ońtústik bóliginde – túnde 0…5, kei jerlerde 10 aiaz, kúndiz pliýs 3...8-ge deiin salqyndaidy.
Sodan keiin soltústikte, ortalyqta jáne shyǵysta aýa temperatýrasy túnde 0...5 aiaz, kei jerlerde 3 jyly, kúndiz 3...8 jyly bolady dep kútilýde. Elimizdiń batysy men ońtústiginde aýa temperatýrasy túnde 0...5-ke, kei jerlerde pliýs 8 deiin, kúndiz 8...13-ke deiin kóteriledi. Onkúndik sońynda respýblika aýmaǵyna kezekti antitsiklon áser etedi jáne temperatýra qaitadan tómendeidi», delingen habarlamada.
Ekinshi jáne úshinshi onkúndikterde temperatýranyń tómendeýi barynsha qarqyndy kútiledi, bul kezde soltústik oblystardy tolyǵymen qar basyp qalady.
Ádette, elimizdiń soltústik bóliginde turaqty qar jamylǵysyn ornaýy ortasha alǵanda qarasha aiynyń birinshi jartysynda keledi, ońtústik óńirlerde - qarasha aiynyń sońy – jeltoqsan aiynyń basy dep kútiledi.
