2020 jyldyń qarashasynda qazaqstandyqtar ekinshi deńgeili bankterden jáne banktik emes aiyrbastaý pýnkterinen jalpy salmaǵy 74,1 keli, 2 327 quima satyp aldy, dep habarlaidy "Ult aqparat"
Al jyl basynan beri jalpy salmaǵy 1,45 tonna bolatyn 40 081 altyn quima satyldy.
Altyn quimalardyń bes túri bar: 5, 10, 20, 50 jáne 100 gram salmaqta bolady. Eń kóp satylǵany - 10 gramdyq quima. Satylǵan barlyq quimanyń ishindegi onyń úlesi 25%, iaǵni, 10 199 dana bolyp otyr. Odan keiin 20 gramdyq – 9 061 dana (23%) jáne 100 gramdyq quima – 8 863 dana (22%), 5 gramdyq – 7 001 dana (18%), 50 gramdyq quima – 4 957 dana (12%).
Quimalardy satyp alý jaǵynan Almaty qalasy kósh bastap tur (54%). Odan keiin Atyraý (13%), Nur-Sultan (11%) jáne basqa óńirler (22%) alǵan.
Keri satyp alýǵa jalpy massasy 3,3 kg 129 ólsheýish quima ǵana qaitaryldy. Altyn quimalar – investitsiialaýdyń senimdi quraly bola alady. Bankterdiń jáne banktik emes aiyrbastaý pýnkteriniń klientke «sol kúni» aqsha tólei otyryp, quimalardy keri satyp alý múmkindigi – altyn quimalar naryǵynyń ótimdiligin qamtamasyz etýdiń negizgi faktory.
Qazir altyn quimalardy Halyk Bank-ten, Eýraziialyq Bankten, Jýsan Bank-ten, Bank TsentrKreditten, sondai-aq banktik emes aiyrbastaý pýnktterinen satyp alýǵa jáne olarǵa keri satýǵa bolady.
Árbir quima qorǵanysh elementterimen jabdyqtalǵan (quimalardyń bet jaǵy ainadai, mikromátin jáne bederli gýrt), sonymen birge quimalardy mehanikalyq zaqymdanýdan qorǵaityn jáne qaptamasynyń ashylǵan-ashylmaǵanyn tez anyqtaýǵa múmkindik beretin arnaiy qaptamada shyǵarylady. Qorǵanysh qaptamasy da quima sapasynyń sertifikaty sanalady. Sondyqtan quimany uqypty saqtap, qaptamasyn ashpaǵan durys.
Qazaqstan Respýblikasynyń Ulttyq Banki halyq úshin tazartylǵan altynnyń ólshemdik quimalaryn satý jáne keri satyp alý Baǵdarlamasyn 2017 jyly iske qosty.
