Almaty oblysynyń Qarasai aýdanyndaǵy «Asyl arman» turǵyn úi kesheni tolyq karantinge jabylýy múmkin, dep habarlaidy "Ult aqparat".
«Oblys ákimi Amandyq Batalovtyń tapsyrmasymen Qarasai aýdanynda ornalasqan «Asyl arman« turǵyn úi keshenine oblys ákiminiń orynbsary Batyrjan Baijumanov pen oblystyń bas sanitarlyq dárigeri Qairat Baimuhambetov jolǵa shyqty. Olar sol jerde keshendi tolyq karantinge jabý máselesin qarastyrady. Bul jerde oblys ákiminiń tapsyrmasyna sai, turǵyndardyń qaýipsizdigin qamtamasyz etý, indettiń taralýyna jol bermeý máselesimen qatar keshen turǵyndarynyń qajettiligi máselesi talqylanady. Sońǵy sheshim qabyldanǵan sátte qosymsha aqparat beriledi»,- delingen oblysy ákiminiń baspasóz hatshysy Ǵalymurat Júkeldiń taratqan habarlamada.
Aita keteiik, dál osy «Asyl arman» turǵyn úi kesheninde turatyn eki turǵynnan koronavirýs indeti anyqtaldy. Biri 1995jylǵy aiaǵy aýyr kelinshek bolsa, ekinshisi 1959 jyly týǵan áiel. Buǵan deiin dál osy keshendegi №6 úidiń bir kireberisi karantinge jabylǵanyn habarlaǵan bolatynbyz.
Aita keteiik, Almaty oblysynda 9 adam koronavirýs juqtyrǵan.
