Foto: ronstik / Shutterstock
Qarasai aýdanynda medbikeniń ólimine sebep bolǵan kúdikti ustaldy, dep habarlaidy "Ult aqparat" Polisia.kz Telegram-arnasyna silteme jasap.
IIM baspasóz qyzmetiniń málimetinshe, 7 tamyz saǵat 17:00 shamasynda Qarasai aýdanynyń aýrýhanasyna 45 jastaǵy áiel keýde qýysynyń jaraqatymen túsip, keiin alǵan jaraqaty saldarynan qaitys bolǵan.
“Atalǵan derek QR QK-niń 99-baby (Kisi óltirý) boiynsha aýdandyq politsiiada tirkeldi.
Arnaiy is-shara barysynda tártip saqshylary 42 jastaǵy Koshmambet aýylynyń turǵyny bolyp tabylatyn kúdiktiniń jeke basyn anyqtap, ony bir saǵat ishinde “izin sýytpai” ustady.
Qazirgi ýaqytta atalǵan derekti tergeýdiń tolyqtyǵyn, jan-jaqtylyǵyn jáne obektivtiligin qamtamasyz etý maqsatynda sot-meditsinalyq saraptama taǵaiyndalyp, tergeý is-sharalary júrgizilip jatyr”, - delingen habarlamada.
Qylmys marqum áieldiń jumys ornynda jasalǵan.
Ustalǵan adamnyń aitýynsha, oqiǵa áieldiń kásibi qyzmetine bailanysty emes, jeke qarym-qatynas saldarynan bolǵan.
Ózge aqparat QR QIJK-niń 201-baby boiynsha jariia etýge jatpaidy.
