Almaty oblysynda úsh dúken qyzmetkerin pyshaqtap, izin sýytqan kúdikti Shyǵys Qazaqstan oblysynda ustaldy, dep habarlaidy "Ult aqparat".
Almaty oblystyq Politsiia departamenti baspasóz qyzmetiniń málimetinshe, 2015 jyldyń sáýir aiynda Qarasai aýdanyndaǵy saýda úilerdiń birinen aryz túsken. Shaǵymdanýshy dúkenderin tonap, úsh qyzmetkerdiń pyshaq jaraqatyn alǵanyn jetkizgen. Onyń ishinde eki jábirlenýshiniń pyshaq jaraqaty aýyr deńgeide, ishki qurylysy aitarlyqtai jaraqattanǵan. Tergeý barysynda úsh adamnyń qaraqshylyq jasaǵany anyqtalǵan. Onyń ekeýi 19-20 jastaǵy Almaty qalasynyń turǵyndary.
«Ekeýi ustaldy. Úshinshisi qashyp ketti. Oǵan 2015 jyldyń 13 mamyrynda izdeý jariialanyp, ustalǵan sátte qamaý týraly sanktsiia shyǵaryldy. Kóp ýaqyttan beri onyń meken-jaiyn anyqtaý múmkin bolmady. Biraq politseilerdiń qyraǵy jumysynyń nátijesinde ol qansha tyǵylsa da, qolǵa tústi. Kúdikti Shyǵys Qazaqstan oblysynyń Katonqaraǵai aýdanynda ustaldy. Qamaýǵa alyndy. Bul fakt 293 baptyń 3 bóligi, iaǵni pyshaq qoldanyp buzaqylyq jasaý babymen tirkelgen bolatyn. Is qaita qaralyp, QR QK 192 babynyń 2 bóligi «Qaraqshylyq« jáne QR QK 188 babynyń 2 bóligi «Tonaý« boiynsha aýystyrylyp, tergelip jatyr»,- delingen atalǵan vedomstvonyń baspasóz qyzmeti taratqan habarlamada.
