الماتى وبلىسىندا ٷش دٷكەن قىزمەتكەرٸن پىشاقتاپ, ٸزٸن سۋىتقان كٷدٸكتٸ شىعىس قازاقستان وبلىسىندا ۇستالدى, دەپ حابارلايدى "ۇلت اقپارات".
الماتى وبلىستىق پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنشە, 2015 جىلدىڭ سەۋٸر ايىندا قاراساي اۋدانىنداعى ساۋدا ٷيلەردٸڭ بٸرٸنەن ارىز تٷسكەن. شاعىمدانۋشى دٷكەندەرٸن توناپ, ٷش قىزمەتكەردٸڭ پىشاق جاراقاتىن العانىن جەتكٸزگەن. ونىڭ ٸشٸندە ەكٸ جەبٸرلەنۋشٸنٸڭ پىشاق جاراقاتى اۋىر دەڭگەيدە, ٸشكٸ قۇرىلىسى ايتارلىقتاي جاراقاتتانعان. تەرگەۋ بارىسىندا ٷش ادامنىڭ قاراقشىلىق جاساعانى انىقتالعان. ونىڭ ەكەۋٸ 19-20 جاستاعى الماتى قالاسىنىڭ تۇرعىندارى.
«ەكەۋٸ ۇستالدى. ٷشٸنشٸسٸ قاشىپ كەتتٸ. وعان 2015 جىلدىڭ 13 مامىرىندا ٸزدەۋ جارييالانىپ, ۇستالعان سەتتە قاماۋ تۋرالى سانكتسييا شىعارىلدى. كٶپ ۋاقىتتان بەرٸ ونىڭ مەكەن-جايىن انىقتاۋ مٷمكٸن بولمادى. بٸراق پوليتسەيلەردٸڭ قىراعى جۇمىسىنىڭ نەتيجەسٸندە ول قانشا تىعىلسا دا, قولعا تٷستٸ. كٷدٸكتٸ شىعىس قازاقستان وبلىسىنىڭ كاتونقاراعاي اۋدانىندا ۇستالدى. قاماۋعا الىندى. بۇل فاكت 293 باپتىڭ 3 بٶلٸگٸ, ياعني پىشاق قولدانىپ بۇزاقىلىق جاساۋ بابىمەن تٸركەلگەن بولاتىن. ٸس قايتا قارالىپ, قر قك 192 بابىنىڭ 2 بٶلٸگٸ «قاراقشىلىق« جەنە قر قك 188 بابىنىڭ 2 بٶلٸگٸ «توناۋ« بويىنشا اۋىستىرىلىپ, تەرگەلٸپ جاتىر»,- دەلٸنگەن اتالعان ۆەدومستۆونىڭ باسپاسٶز قىزمەتٸ تاراتقان حابارلامادا.
