«Qarapaiym zattar ekonomikasy» baǵdarlamasyn júzege asyrý úshin 600 mlrd teńge bólingen, dep habarlaidy "Ult aqparat" IIDM baspasóz qyzmetine silteme jasap.
QR Prezidenti Qasym-Jomart Toqaevtyń Qaraǵandy oblysyna jasaǵan jumys sapary aiasynda ótken «Indýstriialyq-innovatsiialyq damý týraly» keńeste QR Indýstriia jáne infraqurylymdyq damý ministri Roman Skliar «Qarapaiym zattar ekonomikasy qalai damyp jatqanyn baiandady.
«Eki jylǵa arnalǵan baǵdarlamany iske asyrý sheńberinde bankter tarapynan 62 mlrd teńgege 150 joba maquldandy. Ekinshi deńgeidegi bankter men Agrarlyq nesie korporatsiiasy 275 mlrd teńgeniń 210 jobasyn qolǵa almaqshy. Baǵdarlamaǵa barlyq qajetti ózgerister engizildi. Sońǵy mólsherleme tómendetilip, basym jobalardyń tizbesi keńeitildi. Agrarlyq nesie korporatsiiasy qarjylandyrýǵa kiristi. Bólingen 600 mlrd teńgeniń jyl sońyna deiin igeremiz. Al qalǵany kelesi jyly tolyq igeriledi», - dedi Roman Skliar.
Atalǵan qarajattyń 100 mlrd teńgesi aýylshýarshylyq ónimderi qaita óńdeýge, 100 mlrd teńge óndiristegi «qarapaiym zattar» úlesin arttyrýǵa, qalǵan 400 mlrd teńgesi óńdeý ónerkásibi men kórsetiletin qyzmetterge baǵyttalǵan.
Eske salsaq, búgin Prezident Qaraǵandyda elimizdiń indýstriialyq-innovatsiialyq damýy jóninde keńes ótkizdi.
