«قاراپايىم زاتتار ەكونوميكاسى» باعدارلاماسىن جٷزەگە اسىرۋ ٷشٸن 600 ملرد تەڭگە بٶلٸنگەن, دەپ حابارلايدى "ۇلت اقپارات" ييدم باسپاسٶز قىزمەتٸنە سٸلتەمە جاساپ.
قر پرەزيدەنتٸ قاسىم-جومارت توقاەۆتىڭ قاراعاندى وبلىسىنا جاساعان جۇمىس ساپارى اياسىندا ٶتكەن «يندۋسترييالىق-يننوۆاتسييالىق دامۋ تۋرالى» كەڭەستە قر يندۋسترييا جەنە ينفراقۇرىلىمدىق دامۋ مينيسترٸ رومان سكليار «قاراپايىم زاتتار ەكونوميكاسى قالاي دامىپ جاتقانىن باياندادى.
«ەكٸ جىلعا ارنالعان باعدارلامانى ٸسكە اسىرۋ شەڭبەرٸندە بانكتەر تاراپىنان 62 ملرد تەڭگەگە 150 جوبا ماقۇلداندى. ەكٸنشٸ دەڭگەيدەگٸ بانكتەر مەن اگرارلىق نەسيە كورپوراتسيياسى 275 ملرد تەڭگەنٸڭ 210 جوباسىن قولعا الماقشى. باعدارلاماعا بارلىق قاجەتتٸ ٶزگەرٸستەر ەنگٸزٸلدٸ. سوڭعى مٶلشەرلەمە تٶمەندەتٸلٸپ, باسىم جوبالاردىڭ تٸزبەسٸ كەڭەيتٸلدٸ. اگرارلىق نەسيە كورپوراتسيياسى قارجىلاندىرۋعا كٸرٸستٸ. بٶلٸنگەن 600 ملرد تەڭگەنٸڭ جىل سوڭىنا دەيٸن يگەرەمٸز. ال قالعانى كەلەسٸ جىلى تولىق يگەرٸلەدٸ», - دەدٸ رومان سكليار.
اتالعان قاراجاتتىڭ 100 ملرد تەڭگەسٸ اۋىلشۋارشىلىق ٶنٸمدەرٸ قايتا ٶڭدەۋگە, 100 ملرد تەڭگە ٶندٸرٸستەگٸ «قاراپايىم زاتتار» ٷلەسٸن ارتتىرۋعا, قالعان 400 ملرد تەڭگەسٸ ٶڭدەۋ ٶنەركەسٸبٸ مەن كٶرسەتٸلەتٸن قىزمەتتەرگە باعىتتالعان.
ەسكە سالساق, بٷگٸن پرەزيدەنت قاراعاندىدا ەلٸمٸزدٸڭ يندۋسترييالىق-يننوۆاتسييالىق دامۋى جٶنٸندە كەڭەس ٶتكٸزدٸ.
