Prezident Qasym-Jomart Toqaevtyń tapsyrmasyna sáikes, Ulttyq bank «QazAgro» UBH enshiles uiymy «Agrarlyq nesieleý korporatsiiasy» AQ jáne EDB qorlandyrý úshin «Qarapaiym zattar ekonomikasy» baǵdarlamasynyń aiasynda egistik kompaniiasyn júrgizýge qosymsha 100 mlrd teńge bóldi, dep habarlaidy "Ult aqparat".
«Korporatsiia atalǵan baǵdarlama boiynsha kóktemgi egistik jumystaryn qarjylandyrady. Negizgi maqsaty – ainalystaǵy qarajatty tolyqtyrý. Búgingi tańda sýbsidiialaýdy esepke ala otyryp 6 paiyz jyldyq mólsherlememen 1,3 mlrd teńge kóleminde nesie berildi. Qarapaiym zattar ekonomikasy baǵdarlamasyndaǵy ózgerister túrli aýylsharýashylyq ósimdikterdi egetin fermerlerge qarjy alýǵa múmkindikterdi ulǵaitty. Endi sharýalar egis jumystaryn júrgizýge ainalys qarajatyn 12 aiǵa deiin tolyqtyra alady. Bul rette negizgi boryshty qaryz merziminiń sońynda óteýge bolatynyn aita ketken jón», - delingen «Agrarlyq nesie korporatsiiasy» AQ málimetinde.
Qarjylandyrý jáne sheshim qabyldaýǵa ótinimderdi qarastyrý merzimi 30 kúntizbelik kúnnen 10 jumys kúnine deiin qysqartylǵan. Sonymen birge, nesieleý protsesin ońtailandyrý jáne qarjylandyrý protsesin yqshamdaýaiasynda qaryz alýshylar usynatyn qujattar tizbesi zańdy tulǵalar úshin 27-den 13-ke, sharýa qojalyqtary men jeke kásipkerlerge 16-dan 12 qujatqa qysqartyldy.
«Óńirdegi filialdar derbes sheshim qabyldaý úshin limitter 200 mln teńgege deiin ulǵaityldy jáne nesie komitetteriniń qashyqtan otyrys júrgizý, ETsQ arqyly qujattar men tólem qujattaryna qol qoiý praktikasy da engizildi. Shalǵaidaǵy eldi mekenderdegi sharýalardy jeńildetilgen nesiege qol jetimdiligin qamtamasyz etý maqsatynda, kóktemgi naýqandyq jumysty júrgizýge Qarapaiym zattar ekonomikasy aiasynda sońǵy qaryz alýshylardy qarjylandyratyn Nesielik seriktestikterdi qorlandyrý quraly paidalanylady. Osy ýaqytta bul uiymdar 144,1 mln teńgeni úlestirdi. Qabyldanǵan sharalar kóktemgi egistik jumystarmen ainalysatyn fermerlerdi nesieleý talaptaryn jaqsarta otyryp, olardy edáýir qoldaýǵa múmkindik beredi», - dep ataplyp ótken habarlamada.
