Bul týraly búgin Úkimet otyrysynda QR Ulttyq ekonomika ministri Rýslan Dálenov aitty, dep habarlaidy "Ult aqparat".
«Sońǵy úsh jylda daiyn, óńdelgen ónim óndirisiniń edáýir óskeni baiqalady. Atap aitqanda, «Qarapaiym zattar ekonomikasy» salalarynda ónim shyǵarý kólemi 2018 jylǵy 8,9 trln teńgeden 2019 jyly 10,1 trln teńgege deiin ósti. Biyl ósim jalǵasty. 10 aida naqty kólem indeksi 104 paiyzdy qurady. Daiyn, óńdelgen ónimdi shyǵarý ozyq ósimdi kórsetip otyr», - dedi ministr.
Onyń aitýynsha, daiyn, óńdelgen taýarlar shyǵarylymynyń ósýine bailanysty import úlesi tómendegen. Tutynýdaǵy qazaqstandyq taýarlar óndirisiniń úlesi ósip jatyr.
«Osylaisha 2020 jyly otandyq ónim óndirisiniń úlesi 2,5 paiyzdyq tarmaqqa ósti. Azyq-túlik, qurylys materialdary, jeńil ónerkásip ónimderi, jihaz, mashina men jabdyqtar óndirisi artty. Sońǵy 2 jylda ónimniń birqatar túrleri boiynsha ósim eki mándi kórsetkishterge, al jekelegen túrleri boiynsha 1,5-2 esege jetti. Osy jyly óndiristiń ósý qarqyny jalǵasty. «Qarapaiym zattar ekonomikasy» baǵdarlamasyn iske asyrý daiyn, óńdelgen ónimniń ósýine yqpal etedi», - deidi Rýslan Dálenov.
