بۇل تۋرالى بٷگٸن ٷكٸمەت وتىرىسىندا قر ۇلتتىق ەكونوميكا مينيسترٸ رۋسلان دەلەنوۆ ايتتى, دەپ حابارلايدى "ۇلت اقپارات".
«سوڭعى ٷش جىلدا دايىن, ٶڭدەلگەن ٶنٸم ٶندٸرٸسٸنٸڭ ەدەۋٸر ٶسكەنٸ بايقالادى. اتاپ ايتقاندا, «قاراپايىم زاتتار ەكونوميكاسى» سالالارىندا ٶنٸم شىعارۋ كٶلەمٸ 2018 جىلعى 8,9 ترلن تەڭگەدەن 2019 جىلى 10,1 ترلن تەڭگەگە دەيٸن ٶستٸ. بيىل ٶسٸم جالعاستى. 10 ايدا ناقتى كٶلەم يندەكسٸ 104 پايىزدى قۇرادى. دايىن, ٶڭدەلگەن ٶنٸمدٸ شىعارۋ وزىق ٶسٸمدٸ كٶرسەتٸپ وتىر», - دەدٸ مينيستر.
ونىڭ ايتۋىنشا, دايىن, ٶڭدەلگەن تاۋارلار شىعارىلىمىنىڭ ٶسۋٸنە بايلانىستى يمپورت ٷلەسٸ تٶمەندەگەن. تۇتىنۋداعى قازاقستاندىق تاۋارلار ٶندٸرٸسٸنٸڭ ٷلەسٸ ٶسٸپ جاتىر.
«وسىلايشا 2020 جىلى وتاندىق ٶنٸم ٶندٸرٸسٸنٸڭ ٷلەسٸ 2,5 پايىزدىق تارماققا ٶستٸ. ازىق-تٷلٸك, قۇرىلىس ماتەريالدارى, جەڭٸل ٶنەركەسٸپ ٶنٸمدەرٸ, جيھاز, ماشينا مەن جابدىقتار ٶندٸرٸسٸ ارتتى. سوڭعى 2 جىلدا ٶنٸمنٸڭ بٸرقاتار تٷرلەرٸ بويىنشا ٶسٸم ەكٸ مەندٸ كٶرسەتكٸشتەرگە, ال جەكەلەگەن تٷرلەرٸ بويىنشا 1,5-2 ەسەگە جەتتٸ. وسى جىلى ٶندٸرٸستٸڭ ٶسۋ قارقىنى جالعاستى. «قاراپايىم زاتتار ەكونوميكاسى» باعدارلاماسىن ٸسكە اسىرۋ دايىن, ٶڭدەلگەن ٶنٸمنٸڭ ٶسۋٸنە ىقپال ەتەدٸ», - دەيدٸ رۋسلان دەلەنوۆ.
