«Qarapaiym zattar ekonomikasy» boiynsha «Damý» qory arqyly sýbsidiialanǵan jobalardyń kredittik portfeli - 338,6 mlrd teńge. Bul týraly búgin Úkimet otyrysynda QR Ulttyq ekonomika ministri Rýslan Dálenov aitty, dep habarlaidy QazAqpara.
«Qarapaiym zattar ekonomikasy» baǵdarlamasy aiasynda «Damý» qory 509 jobany sýbsidiialady. Eń kóp qarjylandyrylǵan jobalar azyq-túlik ónimderin, qurylys materialdary men metall buiymdaryn, plastmassa, jihaz jáne kiim óndirý salalarynda. «Qarapaiym zattar ekonomikasy» boiynsha «Damý» qory arqyly sýbsidiialanǵan jobalardyń kredit portfeli 338,6 mlrd teńgeni quraidy. Kredit portfeliniń negizgi úlesi óńdeý ónerkásibine tiesili», - dedi Rýslan Dálenov.
Onyń aitýynsha, «Qarapaiym zattar ekonomikasy» baǵdarlamasy boiynsha qoldaýmen qamtylǵan kásiporyndardy monitoringileý nátijesi oń dinamikany kórsetedi.
Biyl bul kásiporyndar tabysty jáne tólengen salyq kólemin saqtap qana qoimai, sáikesinshe arttyrdy.
«Osy jyly jyly kreditteýdiń barlyq baǵdarlamasy boiynsha qarjylyq qoldaý kólemi aitarlyqtai artty. Osylaisha, qoldaý kórsetilgen kredit portfeliniń somasy 2 trln teńgege jetti jáne ol 34 myńnan astam jobany qamtidy. Jalpy, kreditteý baǵdarlamalary daiyn otandyq taýar óndirýdi yntalandyryp, oń makroekonomikalyq yqpal etýde», - dedi ministr.
