Sýret: kbrrcge.brest.by
Premer-ministrdiń orynbasary – qarjy ministri Erulan Jamaýbaev sańyraýqulaq pen jidek tergeni úshin kimder salyq tóleitinin naqtylady, dep habarlaidy Sputnik Qazaqstan.
Ministrdiń aitýynsha, mundai alym túri buǵan deiin de bolǵan.
"Bul zańnyń jańashyldyǵy – buryn salyq tek erekshe qorǵalatyn aimaqqa, mysaly ulttyq park, qoryqtarǵa ǵana taralsa, endi búkil jerde qoldanylady. Ekinshiden, bul jerde qarapaiym halyq týraly sóz bolyp otyrǵan joq. Salyq dárilik preparat jasaityn, kommertsiialyq maqsatta paidalanatyn kásipkerlerge qatysty. Jabaiy shópterimiz ben jidegimiz bizdiń bailyǵymyz sanalady. Sol sebepti áldekim kásipkerlikpen ainalyssa, olar salyq tóleýge tiis. Al qarapaiym halyq tólemeidi", - dep túsindirdi Jamaýbaev Májilis kýlýarynda.
Osy oraida jýrnalister kópbalaly otbasy birneshe shelek jidek terip, ony satsa, salyq salyna ma dep naqtylady?
"Joq, salynbaidy. Iaǵni siz qala syrtyna nemese aýyl mańyna kelip, jidek terseńiz, eshqandai shekteý joq", - dedi ministr.
Aita keteri, 2024 jyldan bastap elimizde keibir azamattar sańyraýqulaq pen jidek tergeni úshin salyq tóleidi. Tólem somasyn jergilikti máslihattar esepteidi.
