سۋرەت: kbrrcge.brest.by
پرەمەر-مينيستردٸڭ ورىنباسارى – قارجى مينيسترٸ ەرۇلان جاماۋباەۆ ساڭىراۋقۇلاق پەن جيدەك تەرگەنٸ ٷشٸن كٸمدەر سالىق تٶلەيتٸنٸن ناقتىلادى, دەپ حابارلايدى Sputnik قازاقستان.
مينيستردٸڭ ايتۋىنشا, مۇنداي الىم تٷرٸ بۇعان دەيٸن دە بولعان.
"بۇل زاڭنىڭ جاڭاشىلدىعى – بۇرىن سالىق تەك ەرەكشە قورعالاتىن ايماققا, مىسالى ۇلتتىق پارك, قورىقتارعا عانا تارالسا, ەندٸ بٷكٸل جەردە قولدانىلادى. ەكٸنشٸدەن, بۇل جەردە قاراپايىم حالىق تۋرالى سٶز بولىپ وتىرعان جوق. سالىق دەرٸلٸك پرەپارات جاسايتىن, كوممەرتسييالىق ماقساتتا پايدالاناتىن كەسٸپكەرلەرگە قاتىستى. جابايى شٶپتەرٸمٸز بەن جيدەگٸمٸز بٸزدٸڭ بايلىعىمىز سانالادى. سول سەبەپتٸ ەلدەكٸم كەسٸپكەرلٸكپەن اينالىسسا, ولار سالىق تٶلەۋگە تيٸس. ال قاراپايىم حالىق تٶلەمەيدٸ", - دەپ تٷسٸندٸردٸ جاماۋباەۆ مەجٸلٸس كۋلۋارىندا.
وسى ورايدا جۋرناليستەر كٶپبالالى وتباسى بٸرنەشە شەلەك جيدەك تەرٸپ, ونى ساتسا, سالىق سالىنا ما دەپ ناقتىلادى?
"جوق, سالىنبايدى. ياعني سٸز قالا سىرتىنا نەمەسە اۋىل ماڭىنا كەلٸپ, جيدەك تەرسەڭٸز, ەشقانداي شەكتەۋ جوق", - دەدٸ مينيستر.
ايتا كەتەرٸ, 2024 جىلدان باستاپ ەلٸمٸزدە كەيبٸر ازاماتتار ساڭىراۋقۇلاق پەن جيدەك تەرگەنٸ ٷشٸن سالىق تٶلەيدٸ. تٶلەم سوماسىن جەرگٸلٸكتٸ مەسليحاتتار ەسەپتەيدٸ.
