Karaoke nysandary Ashyq jobasyna testik rejimde engizilip jatyr. Bul týraly «Atameken» ulttyq kásipkerler palatasy basqarma tóraǵasynyń orynbasary Iýliia Iakýpbaeva Ortalyq kommýnikatsiialar qyzmetinde aitty, dep habarlaidy QazAqparat.
«Jalpy karaokelerdiń Ashyq jobasyna qatysýǵa múmkindigi bar. Qaýlyda júiege qosylýdyń eki nusqasy jazylǵan: tikelei óńirlik palata arqyly jáne qaýymdastyq arqyly. Meniń bilýimshe, áýeli karaoke nysany týraly aqparat bazaǵa kelip túsedi. Biraq alǵashqy 9 kúnde olar testik rejimde jumys isteidi. Testik rejim ótkennen keiin ákimdik saityna kóshiriledi. Ázirge saitta test júrgizýshileri týraly aqparat joq. Iaǵni, karaoeke nysandary áli de bolsa testik rejimdi ótkerip úlgermegen. Is júzinde Ashyq jobasyna qatysýshylardyń tizimine karaokeler qosylyp qoiǵan», - dedi Iýliia Iakýpbaeva.
Onyń aitýynsha, qazir «Atameken» UKP ákimdikterdiń saityna 9 kúndik synaqtan ótkendermen birge testi rejimde jumys istep jatqan nysandardy ornalastyrý máselesin pysyqtap jatqan kórinedi.
«osynyń arqasynda adamdar qai nysannyń uzaq ýaqyt boiy eskrtýsiz jumys istep turǵanyn, kimniń júieden ýaqytsha shettetilgenin kóre alady. Osy kórsetkishter boiynsha ákimdik saityndaǵy Ashyq jobasyna qatysýshy nysandardyń tizimi 4 topqa jikteledi. 4 top tolyqtai túzilgennen keiin ony «Atameken» saityna ornalastyramyz. Sol arqyly árkim ózi úshin qaýipsiz nysandy tańdai alady», - dep tolyqtyrdy «Atameken» ókili.
