Memlekettik inspektorlar shet elderden fitosanitariialyq qaýpi joǵary, karantinge jatqyzylǵan zańsyz ónimder ákelýge qatysty 90 áreketti anyqtady, dep habarlaidy "Ult aqparat" QR AShM baspasóz qyzmetine silteme jasap.
«2018 jyldyń 1-14 jeltoqsan aralyǵynda Aqtóbe, Batys Qazaqstan, Pavlodar, Soltústik Qazaqstan, Shyǵys Qazaqstan, Almaty jáne Túrkistan oblystyq aýmaqtyq inspektsiialarynyń ósimdikter karantini jónindegi memlekettik inspektorlary Resei, Ózbekstan jáne Qytaidan fitosanitariialyq qaýpi joǵary karantinge jatqyzylǵan ónimderdi zańsyz ákelýge qatysty 90 áreketti anyqtady», delingen habarlamada.
Fitosanitariialyq baqylaý kezinde Reseiden - 1,3 tonna-qurama jem, 2,5 tonna banan, 1 tonna sarymsaq, 51 tonna bidai, 1,05 tonna grek jańǵaǵy, 1 tonna kepken jemis, 21,25 tonna uny, 20 tonna - bidai jarmasy, 10 tonna kúnbaǵys, 40 tonna kartop, 0,5 tonna qiiar, 57 sh.m. aǵash kesindileri jáne Qytaidan 1,5 sh.m. aǵash kesindileri, 3 tonna-úrmeburshaqtyń fitosanitariialyq sertifikatsyz tasymaldanǵany anyqtaldy.
Sonymen qatar, Ózbekstannan qol júgin tasymaldaýǵa qoiylǵan shekteýlerge qaramai, osy kórsetilgen aralyqta 64 jaǵdaida karantinge jatqyzylǵan ónimderdiń (2,48 tonna jemis, kepken jemis, kókónis, jańǵaq, 17 dana kóshet, 1 297 dana gúl kesindileri) ákelgendigi anyqtaldy.
Ósimdikter karantini salasyndaǵy zańnamalardyń talaptaryna sáikes, atalǵan ónimder Qazaqstan aýmaǵyna tasymaldaýǵa tyiym salynǵan. Júkter Resei Federatsiiasyna, Qytaiǵa jáne Ózbekstanǵa keri qaitarylyp, kináli tulǵalar ákimshilik jaýapkershilikke tartyldy.
